ವಿಜಯವಾಡ :ಡಿ.17: – ಬರ್ತಡೇ ಸೆಲೆಬ್ರೆಷನ್, ವಿವಾಹ ವಾಷಿಕೋತ್ಸವ, ವೆಡ್ಡಿಂಗ್ ಗೆ, ರಾಜಕೀಯ ಕಾರ್ಯಕ್ರಮ, ಸಾಂಸ್ಕೃತಿಕ ಕಾರ್ಯಕ್ರಮ ಸೇರಿದಂತೆ ಇನ್ನಿತರೇ ಪ್ರೋಗ್ರಾಂಗಳಿಗೆ ಆಹ್ವಾನ ಪತ್ರಿಕೆ ಮಾಡಿಸೋದನ್ನು ನೋಡಿದ್ದೇವೆ. ಆದ್ರೆ ಇಲ್ಲೊಬ್ಬ ಮಾಜಿ ಮಿನಿಸ್ಟರ್ ತಮ್ಮ ಡೇತ್ ಡೇ ಸೆಲೆಬ್ರೆಷನ್ ಮಾಡಲು ಆಹ್ವಾನ ಪತ್ರಿಕೆ ಹಂಚಿ ಕಾರ್ಯಕ್ರಮ ಮಾಡುತ್ತಿರೋದು ಅಚ್ಚರಿಗೆ ಕಾರಣವಾಗಿದೆ.ಹೌದು ಹೀಗೆ ವಿಚಿತ್ರವಾಗಿ ಆಹ್ವಾನ ಪತ್ರಿಕೆ ಮುದ್ರಣ ಮಾಡಿ ಪ್ರೋಗ್ರಾಂ ಮಾಡಿಕೊಳ್ಳುತ್ತಿರೋದು ಆಂಧ್ರಪ್ರದೇಶದ ಪ್ರಕಾಶಂ ಜಿಲ್ಲೆಯ ಮಾಜಿ ಸಚಿವ ಪಾಲೇಟಿ ರಾಮರಾಮ್..ಇವ್ರ ಈ ನಡೆ ಭಾರೀ ಚರ್ಚೆಗೆ ಗ್ರಾಸವಾಗಿದೆ.
ಪ್ರಸ್ತುತ ಪಾಲೇಟಿ ರಾಮರಾಮ್ ಅವರಿಗೆ ವಯಸ್ಸು 63 ವರ್ಷ ಆಗಿದೆ.. ಆದರೆ ಅವರು 75 ವರ್ಷ ವಯಸ್ಸಿನಲ್ಲಿ ಅಂದರೆ 2034 ರಲ್ಲಿ ಸಾಯುತ್ತೇನೆ ಎಂದು ಆಹ್ವಾನ ಪತ್ರಿಕೆ ಮುದ್ರಿಸಿದ್ದು. ಇಂದಿನಿಂದ ಡೇತ್ ಡೇ ಸೆಲೆಬ್ರೆಷನ್ ಮಾಡಿಕೊಳ್ಳೋದಾಗಿ ಹೇಳಿಕೊಂಡಿದ್ದಾರೆ. ಇನ್ನು ಈ ಸಾವಿನ ಆಮಂತ್ರಣ ಪತ್ರಿಕೆಯಲ್ಲಿ ಏನಿದೆ ಅಂತಾ ನೋಡುವುದಾದ್ರೆ.
‘ದೇವರು ಎಷ್ಟೇ ಕಲಿಸಿದರೂ ಮಾನವ ತನ್ನ ಜೀವನ ಕ್ರಮ ಮತ್ತು ಆಲೋಚನಾ ಕ್ರಮವನ್ನು ಸಂಪೂರ್ಣವಾಗಿ ತಿದ್ದಿಕೊಳ್ಳಲು ಸಾಧ್ಯವಾಗುತ್ತಿಲ್ಲ. ಮನುಷ್ಯ ಹಾನಿಕಾರಕವಾದ ಕೆಲಸಗಳನ್ನು ಮಾಡುವುದನ್ನು ನಿಲ್ಲಿಸಲು ನಮಗೆ ಸಾಧ್ಯವಾಗುತ್ತಿಲ್ಲ.. ಎಲ್ಲಾ ಮನುಷ್ಯರು ಸಾಯಲೇ ಬೇಕು ಅಂತಾ ದೇವರುಗಳು ಹೇಳಿದ್ದಾರೆ. ಹಾಗೇ ದೇವರು ಯಾರಿಗೂ ಕೆಡಕು ಮಾಡಬಾರದು ಒಳ್ಳೆಯದು ಮಾಡಬೇಕು ಅಂತಾ ತಿಳಿಸಿದ್ದಾರೆ.ಒಬ್ಬ ಮನುಷ್ಯನು ತಾನು ಎಷ್ಟು ದಿನ ಬದುಕಬೇಕೆಂದು ಯೋಚಿಸುತ್ತಾನೆ ಮತ್ತು ಅವನ ಮರಣದ ದಿನಾಂಕವನ್ನು ನಿರ್ಧರಿಸಲು ಬಯಸುತ್ತಾನೆ. ಸ್ವಲ್ಪ ಕಾಲ ಬದುಕುತ್ತೇನೆ ಎಂದು ತಿಳಿದ ನಂತರ, ದೇವರು ಕಲಿಸಿದ ಜೀವಿ ಹಂತದಿಂದ ಮಾನವ ಹಂತಕ್ಕೆ ಬದಲಾಗಲು ಪ್ರಯತ್ನಿಸುತ್ತಾನೆ.. ಈ ಸಿದ್ಧಾಂತವನ್ನು ಕಾರ್ಯಗತಗೊಳಿಸುವ ಮೊದಲ ಪ್ರಯತ್ನವಾಗಿ. ಎಷ್ಟು ದಿನ ಬದುಕಬೇಕು ಎಂದು ಯೋಚಿಸಿ, ಸಾವಿನ ದಿನಾಂಕವನ್ನು ನಿರ್ಧರಿಸಿ, ನೀವು ಇಲ್ಲಿಯವರೆಗೆ ಎಷ್ಟು ದಿನ ಬದುಕಿದ್ದೀರಿ ಎಂದು ಲೆಕ್ಕ ಹಾಕಿ. ನಿಮ್ಮ ಸಾವಿನ ಎಲ್ಲಾ ದಿನಗಳನ್ನು ಆಚರಿಸಿ ಎಂದು ಸಾವಿನ ಆಹ್ವಾನ ಪತ್ರಿಕೆಯಲ್ಲಿ ಮುದ್ರಿಸಲಾಗಿದೆ.
ಪಾಲೇಟಿ ರಾಮರಾವ್ ನಿಧನಕ್ಕೆ ಇನ್ನೂ 12 ವರ್ಷ ಬಾಕಿ ಇದೆ ಎಂದು ಭಾವಿಸಿ ಶನಿವಾರ ಐಎಂಎ ಹಾಲ್ ಆಫ್ ಸೀರೆಸ್ ನಲ್ಲಿ 12ನೇ ‘ಡೆತ್ ಡೇ’ ಆಚರಣೆಗೆ ಸಿದ್ಧತೆ ಮಾಡಲಾಗಿದೆ. ಮಾನವನ ಸಾವಿನ ಭಯವನ್ನು ಹೋಗಲಾಡಿಸಲು ಮತ್ತು ಇದುವರೆಗೆ ಮಾಡಿದ ತಪ್ಪುಗಳನ್ನು ಸರಿಪಡಿಸಲು ಇಂತಹ ಸಮಾರಂಭಗಳು ಅಗತ್ಯ ಎಂದು ಪಾಲೇಟಿ ರಾಮರಾವ್ ಹೇಳಿದ್ದಾರೆ. ಮುಂದಿನ ವರ್ಷ 11ನೇ ಸಂಭ್ರಮಾಚರಣೆ ನಡೆಯಲಿದೆ ಎನ್ನಲಾಗಿದೆ. ಈ ಆಹ್ವಾನ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು ಮಾಜಿ ಮಿನಿಸ್ಟರ್ ನಡೆ ಅಚ್ಚರಿ ಉಂಟುಮಾಡಿದೆ.
ಪಾಲೇಟಿ ರಾಮರಾವ್ ಅವರು ಪ್ರಕಾಶಂ ಜಿಲ್ಲೆಯ ಹಿರಿಯ ರಾಜಕೀಯ ನಾಯಕರು. 1994 ಮತ್ತು 1999ರಲ್ಲಿ ಟಿಡಿಪಿ ಪರವಾಗಿ ಸ್ಪರ್ಧಿಸಿ ಗೆದ್ದಿದ್ದರು.ಅಲ್ಲದೆ ಸಚಿವರಾಗಿಯೂ ಜವಾಬ್ದಾರಿ ನಿರ್ವಹಿಸಿದ್ದರು. 2004ರಲ್ಲಿ ಟಿಡಿಪಿಯಿಂದ ಸ್ಪರ್ಧಿಸಿ ಕೊನಿಜೇಟಿ ರೋಸಯ್ಯ ಅವರನ್ನು ಸೋಲಿಸಿದ್ದರು. 2009ರಲ್ಲಿ ಪ್ರಜಾರಾಜ್ಯಂ ಪಕ್ಷ ಸೇರಿ ಸಾರಿಯಿಂದ ಸ್ಪರ್ಧಿಸಿ ಸೋತಿದ್ದರು. ನಂತರ ಅವರು ಟಿಡಿಪಿ ಸೇರಿದರು.. 2019ರ ಚುನಾವಣೆಯಲ್ಲಿಯೂ ಮುಂದುವರೆದರು.. ಚಿಯಾರಾದ ಶಾಸಕ ಬಲರಾಮ್ ಅವರೊಂದಿಗೆ ವೈಎಸ್ಆರ್ಸಿಪಿ ಸೇರಿದರು.
