ಬಿಗ್ ಬಾಸ್ ಸೀಸನ್ 1೦ ಮುಕ್ತಾಯ ಹಂತಕ್ಕೆ ಬರುತ್ತಿದ್ದು, ಈ ಬಾರಿ ಸ್ಪರ್ಧಿ ಕಾರ್ತಿಕ್ ಗೆಲುವು ಸಾಧಿಸಲಿದ್ದಾರ ಎಂಬ ಚರ್ಚೆ ಶುರುವಾಗಿದೆ.
ಈ ಬಿಗ್ ಬಾಸ್ ಮನೆಯಲ್ಲಿನ ಸ್ಪರ್ಧಿಗಳಲ್ಲಿ ಫಿನಾಲೆ ಸಮೀಪಿಸುತ್ತಿದ್ದಂತೆ ಒಳಬೇಗುದಿ, ಇನ್ನೊಬ್ಬರನ್ನು ತುಳಿಯುವ ಮನೋಭಾವ ಹೆಚ್ಚಾಗುತ್ತಿದೆ. ಒಟ್ಟಿನಲ್ಲಿ ತಾವು ಫಿನಾಲೆ ತಲುಪಬೇಕೆಂಬ ಹಪಾಹಪಿ ಎಲ್ಲರಲ್ಲೂ ಮನೆಮಾಡಿದೆ. ಕೆಲವರು ತಮ್ಮ ಆತ್ಮೀಯರನ್ನೇ ಫಿನಾಲೆಗೆ ಎಂಟ್ರಿ ನೀಡದಂತೆ ತಂತ್ರಗಳ ಹೆಣೆಯುತ್ತಿದ್ದಾರೆ.
ಈ ಮನೆಯ ಸದಸ್ಯರಲ್ಲಿ ಕಾರ್ತಿಕ್ ಫಿನಾಲೆ ತಲುಪುವ ಎಲ್ಲಾ ಲಕ್ಷಣಗಳು ಕಾಣಿಸುತ್ತಿವೆ. ಆದರೆ ಸಂಗೀತಾ ಅವರು ಕಾರ್ತಿಕ್ ಅವರು ಫಿನಾಲೆಗೆ ಸ್ಪರ್ಧಿಸದಂತೆ ತಡೆಯೊಡ್ಡುತ್ತಿದ್ದಾರೆ. ಈ ಸ್ಪರ್ಧಿಗಳ ಹೊಟ್ಟೆ ಉರಿ ಕಾರ್ತಿಕ್ಗೆ ವೀಕ್ಷಕರ ಬೆಂಬಲ ದೊರೆಯುವಂತೆ ಮಾಡುತ್ತಿರುವುದು ಸುಳ್ಳಲ್ಲ.
ಕಾರ್ತಿಕ್ ಮೇಲೆ ಮನೆಯ ಸ್ಪರ್ಧಿಗಳ ಅಟ್ಯಾಕ್ ಆಗುತ್ತಿದೆ. ಇನ್ನೊಂದೆಡೆ ಸ್ಪರ್ಧಿಗಳ ವರ್ತನೆಗೆ ಕಾರ್ತಿಕ್ ಪರ ಓಟು ಟರ್ನ್ ಆಗುವ ಸಾಧ್ಯತೆಯೂ ಇದೆ ಎನ್ನಲಾಗುತ್ತಿದೆ.
ಫಿನಾಲೆಯ ಸನಿಹವಾಗುತ್ತಿದ್ದಂತೆ ಮನೆಯ ವಾತಾವರಣವೂ ಬದಲಾಗುತ್ತಿದೆ. ಕಾರ್ತಿಕ್ರನ್ನು ಗುರಿಯಾಗಿಸಿಕೊಂಡು ಫಿನಾಲೆಗೆ ಎಂಟ್ರಿ ನೀಡದಂತೆ ಸ್ಪರ್ಧಿಗಳು ಅಟ್ಯಾಕ್ ಮಾಡುತ್ತಿದ್ದಾರೆ. ವಿಶೇಷ ವೆಂದರೆ ಸಂಗೀತಾ ಶೃಂಗೇರಿ ಕೂಡ ಇದೀಗ ಕಾರ್ತಿಕ್ ವಿರುದ್ಧ ತಿರುಗಿ ಬಿದ್ದಿದ್ದಾರೆ. ಇದರಿಂದ ಕಾರ್ತಿಕ್ ಕೆಂಡಾಮಂಡಲರಾಗಿದ್ದಾರೆ.
ಈ ಬಾರಿ ಸಂಗೀತಾ ಅವರು ವಿನಯ್ ಗೌಡ ಹೇಳಿದ ಪ್ಲಾನ್ನಂತೆ ಆಟವಾಡಿರುವುದು ವೀಕ್ಷಕರಿಗೂ ಬೇಸರ ತರಿಸಿದೆ. ಒಬ್ಬರನ್ನು ತೆಗೆದು ಮತ್ತೊಬ್ಬರನ್ನು ಹಾಕುವುದರಿಂದ ಉಪಯೋಗವಿದೆ ಎಂಬ ವಿನಯ್ ಮಾತಿಗೆ ಸಂಗೀತಾ ನಾನು ಕಾರ್ತಿಕ್ನನ್ನ ತೆಗೆಯಬೇಕೆಂದಿದ್ದೇನೆ. ಟಾಸ್ಕ್ ವೇಳೆ ಕಾರ್ತಿಕ್ ಆಡೋದು ನನಗೆ ಇಷ್ಟವಿಲ್ಲ ಎಂದು ಹೇಳಿದ್ದಾರೆ.
ಇದಕ್ಕೆ ಕಾರ್ತಿಕ್, ಮನೆಯಲ್ಲಿ ವುಮೆನ್ ಕಾರ್ಡ್ ಎಂದು ಕಾಲೆಳೆದಿದ್ದು, ನಾನು ಏನು ಮಾಡಬೇಕು ಎಂಬುದನ್ನ ಯಾರೂ ನನಗೆ ಹೇಳುವ ಅವಶ್ಯಕತೆ ಇಲ್ಲ ಎಂದಿದ್ದಾರೆ. ಇದಕ್ಕೆ ಸಂಗೀತಾ ಇದು ನಿಮ್ಮ ಕ್ಯಾರೆಕ್ಟರನ್ನು ತೋರಿಸುತ್ತೆ ಎಂದು ಜರಿದಿದ್ದಾರೆ. ಇಷ್ಟಕ್ಕೆ ಸುಮ್ಮನಾಗದ ಕಾರ್ತಿಕ್ ನನ್ನ ಕ್ಯಾರೆಕ್ಟರ್ ಬಗ್ಗೆ ಮಾತನಾಡೋ ಅರ್ಹತೆ, ಯೋಗ್ಯತೆ ಏನು ಇಲ್ಲ ನಿನಗೆ ಎಂದು ಟಾಂಗ್ ಕೊಟ್ಟಿದ್ದಾರೆ. ಈ ನಾಟಕೀಯ ಬೆಳವಣಿಗೆ ವೀಕ್ಷಕರಿಗೂ ಬೇಸರ ತರಿಸಿದೆ.
ಒಟ್ಟಾರೆ ಕಾರ್ತಿಕ್ ಫಿನಾಲೆಗೆ ಸ್ಪರ್ಧೆ ನೀಡುವ ಸ್ಪರ್ಧಿಗಳಲ್ಲಿ ಒಬ್ಬರು ಎಂಬುದು ಮೇಲ್ನೋಟಕ್ಕೆ ಕಾಣುತ್ತಿದೆ. ಹೀಗಾಗಿ ತನಿಷಾ, ವಿನಯ್, ಸಂಗೀತಾ ಆವರ ಮೇಲೆ ಅಟ್ಯಾಕ್ ಮಾಡುತ್ತಿದ್ದಾರೆ. ಈ ಮೂವರ ವರ್ತನೆ ಕಾರ್ತಿಕ್ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತಿದ್ದರೂ ಬಿಗ್ ಬಾಸ್ ಫ್ಯಾನ್ಸ್ ಮತಗಳು ಮಾತ್ರ ಕಾರ್ತಿಕ್ ಅವರತ್ತ ಬರುತ್ತಿವೆ ಎನ್ನಲಾಗುತ್ತಿದೆ. ಅಂತಿಮ ಹಂತದಲ್ಲಿ ಕಾರ್ತಿಕ್ ಅಥವಾ ಹುಡುಗಿಯರ ಪೈಕಿ ಒಬ್ಬರು ಫಿನಾಲೆ ತಲುಪಿ ಜಯಶೀಲರಾಗಲಿದ್ದಾರೆ ಎಂದು ಹೇಳಲಾಗುತ್ತಿದೆ.
#BIGGBOSS10 @SEASON10 #KARTHIKMAHESH #SANGEETHA #THANISH #VINAY #WINNER #FINALE #KICHCHASUDEEP
