ಮುಂಬೈ:ಫೆ21: ಮುಂಬೈಯಲ್ಲಿ ನಿನ್ನೆ ದಾದಾಸಾಹೇಬ್ ಫಾಲ್ಕೆ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ ಪ್ರಶಸ್ತಿ ಪ್ರದಾನ ಸಮಾರಂಭ ನಡೆಯಿತು. ಕಳೆದ ವರ್ಷ ತೆರೆಕಂಡು ಅಪಾರ ಯಶಸ್ಸು ಗಳಿಸಿದ ಕನ್ನಡದ ಚಿತ್ರ ಕಾಂತಾರ ಚಿತ್ರದ ನಟನೆ, ನಿರ್ದೇಶನಕ್ಕೆ ರಿಷಬ್ ಶೆಟ್ಟಿ ಅವರಿಗೆ 2023ನೇ ಸಾಲಿನ ಭರವಸೆಯ ನಟ ಪ್ರಶಸ್ತಿ ಸಿಕ್ಕಿದೆ.
ಕಾಶ್ಮೀರಿ ಪಂಡಿತರ ಹಿಂಸೆಯ ಕಥೆಯನ್ನು ಒಳಗೊಂಡ ‘ದಿ ಕಾಶ್ಮೀರ್‌ ಫೈಲ್ಸ್’ ಸಿನಿಮಾಗೆ ಕೂಡಾ ಬೆಸ್ಟ್‌ ಫಿಲ್ಮ್‌ ವಿಭಾಗದಲ್ಲಿ ದಾದಾಸಾಹೇಬ್ ಫಾಲ್ಕೆ ಅಂತಾರಾಷ್ಟ್ರೀಯ ಚಿತ್ರೋತ್ಸವ ಪ್ರಶಸ್ತಿ ದೊರೆತಿದೆ. ನಿರ್ದೇಶಕ ವಿವೇಕ್ ರಂಜನ್‌ ಅಗ್ನಿಹೋತ್ರಿ, ಸೋಮವಾರ ನಡೆದ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಪ್ರಶಸ್ತಿ ಸ್ವೀಕರಿಸಿದ್ದಾರೆ. ಕಾರ್ಯಕ್ರಮದ ಫೋಟೋಗಳು, ವಿಡಿಯೋವನ್ನು ತಮ್ಮ ಸೋಷಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
ದಾದಾಸಾಹೇಬ್ ಫಾಲ್ಕೆ ಅಂತಾರಾಷ್ಟ್ರೀಯ ಚಿತ್ರೋತ್ಸವ 2023 ಪ್ರಶಸ್ತಿ ಪಡೆದವರ ಸಂಪೂರ್ಣ ವಿವರ
ಅತ್ಯುತ್ತಮ ಸಿನಿಮಾ: ದಿ ಕಾಶ್ಮೀರ್‌ ಫೈಲ್ಸ್
ಅತ್ಯುತ್ತಮ ನಿರ್ದೇಶಕ: ಆರ್‌. ಬಾಲ್ಕಿ – ಚುಪ್‌ ಸಿನಿಮಾ
ಅತ್ಯುತ್ತಮ ನಟ : ರಣಬೀರ್‌ ಕಪೂರ್‌ – ಬ್ರಹ್ಮಾಸ್ತ್ರ
ಅತ್ಯುತ್ತಮ ನಟಿ: ಆಲಿಯಾ ಭಟ್ – ಗಂಗೂಬಾಯಿ ಕಾಠಿಯಾವಾಡಿ
ಅತ್ಯುತ್ತಮ ಭರವಸೆ ನಟ: ರಿಷಬ್ ಶೆಟ್ಟಿ – ಕಾಂತಾರ
ಅತ್ಯುತ್ತಮ ಪೋಷಕ ನಟ: ಮನಿಷ್‌ ಪೌಲ್‌ – ಜುಗ್‌ ಜುಗ್‌ ಜಿಯೋ
ಭಾರತೀಯ ಸಿನಿಮಾರಂಗದ ಅತ್ಯುತ್ತಮ ಕೊಡುಗೆ: ರೇಖಾ
ಅತ್ಯುತ್ತಮ ವೆಬ್‌ ಸರಣಿ: ರುದ್ರ
ಕ್ರಿಟಿಕ್ಸ್‌ ಉತ್ತಮ ನಟ: ವರುಣ್ ಧವನ್ – ಭೇಡಿಯಾ
ವರ್ಷದ ಅತ್ಯುತ್ತಮ ಸಿನಿಮಾ: ಆರ್‌ಆರ್‌ಆರ್‌
ವರ್ಷದ ಅತ್ಯುತ್ತಮ ಧಾರಾವಾಹಿ: ಅನುಪಮಾ
ವರ್ಷದ ಬಹುಮುಖ ನಟ: ಅನುಪಮ್‌ ಖೇರ್‌ – ದಿ ಕಾಶ್ಮೀರ್‌ ಫೈಲ್ಸ್
ಅತ್ಯುತ್ತಮ ಕಿರುತೆರೆ ನಟ: ಜೈನ್‌ ಇಮಾಮ್‌ – ಫನಾ
ಅತ್ಯುತ್ತಮ ಕಿರುತೆರೆ ನಟಿ: ತೇಜಸ್ವಿ ಪ್ರಕಾಶ್‌ – ನಾಗಿನ್
ಅತ್ಯುತ್ತಮ ಗಾಯಕ: ಸಚೇತ್‌ ಟಂಡನ್‌ – ಮಾಯಿಯಾ ಮೈನು
ಅತ್ಯುತ್ತಮ ಗಾಯಕಿ: ನೇತಿ ಮೋಹನ್‌ – ಮೇರಿ ಜಾನ್
ಅತ್ಯುತ್ತಮ ಛಾಯಾಗ್ರಾಹಕ: ಪಿ.ಎಸ್‌. ವಿನೋದ್‌ – ವಿಕ್ರಮ್‌ ವೇದ
ದಾದಾಸಾಹೇಬ್ ಫಾಲ್ಕೆ ಅಂತಾರಾಷ್ಟ್ರೀಯ ಚಿತ್ರೋತ್ಸವ ಪ್ರಶಸ್ತಿ ಪಡೆದವರಿಗೆ ನೆಟಿಜನ್ಸ್‌ ಅಭಿನಂದನೆ ಸಲ್ಲಿಸುತ್ತಿದ್ದಾರೆ.
